REMZI BURNAShРЕМЗИ БУРНАШ
1920, Qrim viloyati, Oqmachit tumani, Tavdoir qishlog‘i — 30. 05. 1982, Uchqo‘rg‘on1920, Қрим вилояти, Оқмачит тумани, Тавдоир қишлоғи — 30. 05. 1982, Учқўрғон
(1920, Qrim viloyati, Oqmachit tumani, Tavdoir qishlog‘i — 30. 05. 1982, Uchqo‘rg‘on) — muallim, shoir, xalq maorifi a’lochisi. Yaltadagi o‘qituvchilar bilim yurtini tugatgach (1938), muallim bo‘lib ishlagan. 1939 yildan harbiy xizmatda. Urush qatnashchisi. Bir necha bor yaralangan. 1946 yildan mehnat faoliyatini Uchqo‘rg‘onda davom ettirdi. Yashiq qishlog‘idagi maktabda, Norin tumanidagi 1 va 13-o‘rta maktablarda rus tili muallimi bo‘lib ishladi. Remzi Burnash ijodiy faoliyati 1935 yildan boshlangan. Shu yili Qrimda chiqadigan «Yosh leninchilar» jurnalida uning 2 she’ri e’lon qilingan. «Tug‘ishganlar», «Oktyabr yo‘lidan» bayozlarida, A. Mefaev va Cherkez Alilar bilan hamkorlikda nashr ettirgan «Moviy sohillar» to‘plamida hamda «Yurak ohanglari» (1970), «Odob bulog‘i» (1975), «May tongi» (1981) kabi mustaqil kitoblarida shoirning she’r, ballada, doston va she’riy feletonlari jam etilgan. Remzi Burnash Qrim-tatar adabiyotini yuksaltirishga, ikki xalq birodarligini rivojlantirishga katta hissa qo‘shgan shoirdir. Remzi Burnash O‘zbekiston Yozuvchilar uyushmasining a’zosi edi.
(1920, Қрим вилояти, Оқмачит тумани, Тавдоир қишлоғи — 30. 05. 1982, Учқўрғон) — муаллим, шоир, халқ маорифи аълочиси. Ялтадаги ўқитувчилар билим юртини тугатгач (1938), муаллим бўлиб ишлаган. 1939 йилдан ҳарбий хизматда. Уруш қатнашчиси. Бир неча бор яраланган. 1946 йилдан меҳнат фаолиятини Учқўрғонда давом эттирди. Яшиқ қишлоғидаги мактабда, Норин туманидаги 1 ва 13-ўрта мактабларда рус тили муаллими бўлиб ишлади. Ремзи Бурнаш ижодий фаолияти 1935 йилдан бошланган. Шу йили Қримда чиқадиган «Ёш ленинчилар» журналида унинг 2 шеъри эълон қилинган. «Туғишганлар», «Октябрь йўлидан» баёзларида, А. Мефаев ва Черкез Алилар билан ҳамкорликда нашр эттирган «Мовий соҳиллар» тўпламида ҳамда «Юрак оҳанглари» (1970), «Одоб булоғи» (1975), «Май тонги» (1981) каби мустақил китобларида шоирнинг шеър, баллада, достон ва шеърий фельетонлари жам этилган. Ремзи Бурнаш Қрим-татар адабиётини юксалтиришга, икки халқ биродарлигини ривожлантиришга катта ҳисса қўшган шоирдир. Ремзи Бурнаш Ўзбекистон Ёзувчилар уюшмасининг аъзоси эди.
Fikr va xotiralar
Bu inson haqida bilganingiz yoki xotirangizni yozib qoldiring.
Hozircha fikr yozilmagan.