SOBIR KAMOLOVСОБИР КАМОЛОВ

(1914 — 10. 11. 1970, Uchqo‘rg‘on shahri) — o‘qituvchi, xalq maorifi a’lochisi. 1929-30 yillarda «Qizil qahramon» jamoa xo‘jaligi a’zosi, 30-yillarda tumanda yangi maktablar ochish, savodsizlikni tugatish tashabbuskorlaridan bo‘lgan. 1941 yilda ko‘ngilli bo‘lib urushga ketdi, janglarda qahramonlik namunalarini ko‘rsatdi, bir necha bor yaralangan, elkasini dushman o‘qi teshib o‘tgan, yuzi-tani kuygan. Urushdagi jangovar xizmatlari «Qizil Bayroq» ordeni, bir necha medallar bilan taqdirlangan. Urushdan so‘ng tuman firqa qo‘mitasida tashviqotchi, 10-maktab-internat, 7, 6, 17-maktablarda direktorlik qildi. Urush tufayli yopilib qolgan maktablarni qayta tiklash, o‘quvchilarni jalb etish, etim bolalar uchun maktab-internatlar ochish, keyingi yillarda tuman maorifini turli ko‘rsatkichlarda ilg‘orlar safiga olib chiqish borasida ulkan mehnatlari singgan tashabbuskor, serg‘ayrat, fidoyi inson sifatida xalq o‘rtasida katta obro‘-e’tibor qozongan.