TURG‘UNPO‘LAT SULAYMONOVТУРҒУНПЎЛАТ СУЛАЙМОНОВ
1940, Qayqi1940, Қайқи
(1940, Qayqi) — jurnalist-adib. Mehnat faoliyatini Namangan shahri gaz tarmoqlari idorasida muhandislikdan boshlagan. So‘ngra «Ishchi sharafi», «El xizmatida» gazetlarida bosh muharrir bo‘lib ishladi. Hozir Namangan shahar hokimligining «Namangan sadosi» gazeti muharriri. T. S. qariyb qirq yildan beri viloyat, respublika matbuotida o‘zining maqola, lavha, ocherklari bilan faol qatnashib keladi. U «Istiqlol» badiiy publisistik asarining («Yosh gvardiya» nashriyoti, 1986), hamda «So‘qmoq yo‘lga chorlaydi», «Go‘zal taqdir» kitoblarida e’lon qilingan hikoya va ocherklarining muallifidir. «Qog‘ozga o‘ralgan faktlar», «Oftobga chiqqan mushuk» kabi feletonlari, «Tubanlik», «Non isi» va boshqa hikoyalari adabiyot muxlislari tomonidan iliq kutib olindi. 1994 yilda T. S. «Uchqo‘rg‘on—Namangan suv uzatish inshooti» zarbdor qurilishi bunyodkorlari haqida «Mardlar maydonda sinaladi» badiiy-publisistik qissasini yozib tugatdi.
(1940, Қайқи) — журналист-адиб. Меҳнат фаолиятини Наманган шаҳри газ тармоқлари идорасида муҳандисликдан бошлаган. Сўнгра «Ишчи шарафи», «Эл хизматида» газетларида бош муҳаррир бўлиб ишлади. Ҳозир Наманган шаҳар ҳокимлигининг «Наманган садоси» газети муҳаррири. Т. С. қарийб қирқ йилдан бери вилоят, республика матбуотида ўзининг мақола, лавҳа, очерклари билан фаол қатнашиб келади. У «Истиқлол» бадиий публицистик асарининг («Ёш гвардия» нашриёти, 1986), ҳамда «Сўқмоқ йўлга чорлайди», «Гўзал тақдир» китобларида эълон қилинган ҳикоя ва очеркларининг муаллифидир. «Қоғозга ўралган фактлар», «Офтобга чиққан мушук» каби фельетонлари, «Тубанлик», «Нон иси» ва бошқа ҳикоялари адабиёт мухлислари томонидан илиқ кутиб олинди. 1994 йилда Т. С. «Учқўрғон—Наманган сув узатиш иншооти» зарбдор қурилиши бунёдкорлари ҳақида «Мардлар майдонда синалади» бадиий-публицистик қиссасини ёзиб тугатди.
Fikr va xotiralar
Bu inson haqida bilganingiz yoki xotirangizni yozib qoldiring.
Hozircha fikr yozilmagan.