BERDIALI MIRZAEVБЕРДИАЛИ МИРЗАЕВ
10. 9. 1931, Kattamo‘g‘ul10. 9. 1931, Каттамўғул
◎(10. 9. 1931, Kattamo‘g‘ul) — agronom. O‘zbekistonda xizmat ko‘rsatgan qishloq xo‘jaligi xodimi (1993). Mehnat faoliyatini urush yillari boshlagan. 1945 yilda «Vatan urushida front orqasini mustahkamlagani uchun» medaliga sazovor bo‘lgan edi. 1952 yilda Andijon qishloq xo‘jaligi texnikumining agronomiya bo‘limini tugatgach, shu viloyat Izboskan tumani «Poytug‘» davlat xo‘jaligida katta agronom, komsomol qo‘mitasi kotibi (1952-53), Uchqo‘rg‘on tumani «Norin» davlat xo‘jaligida katta agronom (1954), Sobiq «Stalingrad» jamoa xo‘jaligida bosh agronom (1956-61), tuman agroximiya laboratoriyasida mudir, ishlab chiqarish boshqarmasida etakchi agronom (1961-66), Lenin nomli davlat xo‘jaligida laboratoriya mudiri, agronom (1967-78), «O‘zbekiston» jamoa xo‘jaligida ozuqa ekinlari agronomi (1979-89), 1993 yildan tumanda bog‘dorchilik bo‘yicha etakchi maslahatchi bo‘lib ishlaydi. Berdiali Mirzaev 1989 yildan boshlab «O‘zbekiston» jamoa xo‘jaligida bog‘ tashkil etdi. Shuningdek, u tumanda ozuqa ekinlari etishtirish, chorvachilikni em-xashak bilan ta’minlash, bog‘dorchilik, ko‘chat etishtirish kabi sohalarda katta yutuqlarga erishgan. 1992 yilda uning rahbarligida 30 ming tup mevali ko‘chat, 40 ming tup gul ko‘chati, 10000 tup uzum ko‘chati etishtirildi.
(10. 9. 1931, Каттамўғул) — агроном. Ўзбекистонда хизмат кўрсатган қишлоқ хўжалиги ходими (1993). Меҳнат фаолиятини уруш йиллари бошлаган. 1945 йилда «Ватан урушида фронт орқасини мустаҳкамлагани учун» медалига сазовор бўлган эди. 1952 йилда Андижон қишлоқ хўжалиги техникумининг агрономия бўлимини тугатгач, шу вилоят Избоскан тумани «Пойтуғ» давлат хўжалигида катта агроном, комсомол қўмитаси котиби (1952-53), Учқўрғон тумани «Норин» давлат хўжалигида катта агроном (1954), Собиқ «Сталинград» жамоа хўжалигида бош агроном (1956-61), туман агрохимия лабораториясида мудир, ишлаб чиқариш бошқармасида етакчи агроном (1961-66), Ленин номли давлат хўжалигида лаборатория мудири, агроном (1967-78), «Ўзбекистон» жамоа хўжалигида озуқа экинлари агрономи (1979-89), 1993 йилдан туманда боғдорчилик бўйича етакчи маслаҳатчи бўлиб ишлайди. Бердиали Мирзаев 1989 йилдан бошлаб «Ўзбекистон» жамоа хўжалигида боғ ташкил этди. Шунингдек, у туманда озуқа экинлари етиштириш, чорвачиликни ем-хашак билан таъминлаш, боғдорчилик, кўчат етиштириш каби соҳаларда катта ютуқларга эришган. 1992 йилда унинг раҳбарлигида 30 минг туп мевали кўчат, 40 минг туп гул кўчати, 10000 туп узум кўчати етиштирилди.
Fikr va xotiralar
Bu inson haqida bilganingiz yoki xotirangizni yozib qoldiring.
Hozircha fikr yozilmagan.