MELIXON OXUNOVAМЕЛИХОН ОХУНОВА
28. 12. 1928, Uchqo‘rg‘on shahri — 12. 10. 1987, Toshkent shahri28. 12. 1928, Учқўрғон шаҳри — 12. 10. 1987, Тошкент шаҳри
◎(28. 12. 1928, Uchqo‘rg‘on shahri — 12. 10. 1987, Toshkent shahri) — tarixchi, olima, tarix fanlari doktori (1972). 1949 yilda O‘zDUning tarix fakultetini bitirgan va shu yildan O‘zFA Tarix va arxeologiya instituti aspiranti, 1953-61 yillarda shu institutda ilmiy xodim, 1961-65 yillarda institut direktori o‘rinbosari, 1965 yildan umrining oxirigacha shu institut direktori. Doktorlik ishi mavzui «O‘zbekistonda ishchilar sinfi sosializm taraqqiyoti davrida» (1959-70). Melixon Oxunova «O‘zbekiston SSR tarixi» (3,4 jildlar), «O‘zbekiston SSR tarixi» (bir jildlik) va «Samarqand tarixi» (2 jild) kitoblarining mualliflaridan biri. Bir qancha ilmiy maqola va risolalari nashr etilgan. Melixon Oxunova O‘zFAning muxbir a’zosi (1979). «O‘zbekistonda ishchilar sinfi tarixi» (3 jildlik) asarining mualliflaridan biri sifatida unga Abu Rayhon Beruniy nomidagi O‘zbekiston Davlat mukofoti berilgan.
(28. 12. 1928, Учқўрғон шаҳри — 12. 10. 1987, Тошкент шаҳри) — тарихчи, олима, тарих фанлари доктори (1972). 1949 йилда ЎзДУнинг тарих факультетини битирган ва шу йилдан ЎзФА Тарих ва археология институти аспиранти, 1953-61 йилларда шу институтда илмий ходим, 1961-65 йилларда институт директори ўринбосари, 1965 йилдан умрининг охиригача шу институт директори. Докторлик иши мавзуи «Ўзбекистонда ишчилар синфи социализм тараққиёти даврида» (1959-70). Мелихон Охунова «Ўзбекистон ССР тарихи» (3,4 жилдлар), «Ўзбекистон ССР тарихи» (бир жилдлик) ва «Самарқанд тарихи» (2 жилд) китобларининг муаллифларидан бири. Бир қанча илмий мақола ва рисолалари нашр этилган. Мелихон Охунова ЎзФАнинг мухбир аъзоси (1979). «Ўзбекистонда ишчилар синфи тарихи» (3 жилдлик) асарининг муаллифларидан бири сифатида унга Абу Райҳон Беруний номидаги Ўзбекистон Давлат мукофоти берилган.
Fikr va xotiralar
Bu inson haqida bilganingiz yoki xotirangizni yozib qoldiring.
Hozircha fikr yozilmagan.