MUBORAK SIDDIQOVAМУБОРАК СИДДИҚОВА

(12. 01. 1941, Uchqo‘rg‘on shahri) — o‘qituvchi, rahbar-xodima. Farg‘ona Pedinstitutining matematika kulliyotini tugatgan (1970), tuman ichki ishlar bo‘limida hisobchi (1956-62), 2-maktabda o‘qituvchi (1962-65), tuman madaniyat bo‘limi mudiri (1965-75), tuman partiya tashkiloti kotibi (1975-79), 4-o‘rta maktab direktori (1979-80), Andijon viloyati poyafzal fabrikasi kasaba uyushmasi raisi (1980-84), Andijon viloyati kasaba uyushmalari kurslari direktori (1984-87), Uchqo‘rg‘on shahar ijtimoiy ta’minot bo‘limi mudiri (1987 yildan) vazifalarida ishlagan. Muborak Siddiqovaning qishloq madaniyatini rivojlantirish, madaniyat muassasalarining moddiy bazasini mustahkamlashdagi xizmatlari tufayli Uchqo‘rg‘on tumani turli ko‘rsatkichlar bo‘yicha Respublikada etakchi o‘rinlarni egallagan. Uning, shuningdek, maorif, tibbiyot sohalarining taraqqiyotida ijtimoiy ta’minot tizimi sohasini jonlantirishda ham hissasi katta. «Shavkatli mehnati uchun» va boshqa medallar, viloyat, respublika, sobiq Ittifoqning ko‘plab faxriy yorliqlariga sazovor bo‘lgan.